Бас мешіт – елдегі ең танымал және маңызды туристік орындардың бірі, Қазақстан астанасындағы заманауи сәулет өнерінің інжу-маржаны. Сіздерді Астанадағы ең үлкен мешітке барып, оның сәнді безендірілуін тамашалауға шақырамыз! Әдемі ғимараттың кең ауласын аралап, қазақ халқының каллиграфиясы мен ою-өрнектеріне тамсанасыз. Мешіт 235 000 (екі жүз отыз бес мың) адамға есептелген, оның сұлулығына тамсануға келетіндерге есігі ашық. Мешіт мәрмәр тастан салынған, үлкен залы мен әйелдер залына толығымен кілем жайылған. Бұл әлемдегі қолдан тоқылған ең үлкен кілем. Кілем Үндістанда Жаңа Зеландиядалық таза (100%) қойдың жүнінен тоқылған. Мешіттің қайталанбас сәулеті мен ішкі безендірілуін тамашалап, Құран оқу залын, неке қию залы, мешіт мұражайын көрсетеміз. Туристік мұнараға (130 метр) көтерілуге болады.

Гид – Мухышбаева Ардақ

Экскурсияның тілі – қазақша

Экскурсияның түрі – мешіттің ішінде

Ұзақтығы – 2 сағат

Гидпен кездесу орны – экскурсия мешіттің негізгі кіреберісінен басталады. Мешіт мекенжайы: Мәңгілік ел даңғылы, 65.

Қосымша шығындар: туристік мұнараға 1 адамға көтерілу 1500 теңге, банк картасы немесе Kaspi QR арқылы төлеуге болады.